Техникалық орталығы құрамындағы 50 маман эскиздік және техникалық жобаларды орындайды, плазмалық пішу кешеніне, өңдеу орталықтары мен сандық бағдарламалық басқарылатын білдектерге арналған құрылымдық және технологиялық құжаттаманы, басқару бағдарламаларын әзірлейді.
Әзірлемелер заманауи компьютерлік техника және келесі бағдарламалық жабдықтамалар көмегімен орындалады: SCAD, Компас-3D, Winmaschine, PVP-Design, ГеММа-3D.
Халықаралық стандарттар бойынша «Tengizchevroil», «JGC» - Жапония, «Bentec» - Германия, «PFD International» - Англия, «Frames» - Голландия, «Marubeni Corporation» - Жапония жетекші шетел компанияларымен бірлескен жобалар жүзеге асырылды.
Соңғы кезең ішінде әзірленіп, өндіріске жіберілді:
- мұнай өндіру саласына арналған жабдықтардың 33 бірлігі, соның ішінде МБУ-125 жедел бұрғылау қондырғылары;
- мұнай өңдеу саласына арналған жабдықтардың 256 бірлігі, соның ішінде мультифазалық сепараторлар;
- темір жол саласына арналған жабдықтардың 17 бірлігі.
